P R O M O T I O N
F A C E B O O K
C O N T A C T U S
W E D D I N G A L B U M
Vicky & Hing
見證幸福 >> Vicky & Hing
我同未婚妻去婚紗展睇prewedding見到Bliss Wedding擺攤位,起初都睇左好幾間,之後因為覺得Bliss Wedding影出黎啲相同拍攝地點都岩我地心水,簡單同樸素,而且當日職員Annie好有心機講解拍攝詳情,有咩事要注意,比到一個信心我地,而我地最後選擇左去日本奈良影婚紗相

去到日本,拍攝前幾日,職員會提點我地準備啲咩,當地天氣如何,整體上都好細心,到左拍攝當日,天氣不似如期,落大雨,但拍攝團隊都好有耐性幫我地影相,最窩心係果日天氣好凍,佢地提供條暖氈比我未婚妻,因為又凍又濕,好多謝佢地嘅悉心照顧,令這輯相影得好好,所以我推介大家影婚紗相可以搵Bliss wedding!
Vicky & Hing Vicky & Hing Vicky & Hing Vicky & Hing
Elsa & Terry
見證幸福 >> Elsa & Terry
多謝Bliss 為我地進行婚紗攝影,由我同Elsa籌備結婚開始,一直都討論緊去邊度映緍紗相搵邊一間公司。上網睇過唔少資料,有問過朋友,又去過婚展。

最後,响婚展中攞左bliss既單張,兩人經過討論後,决定試下。

起初上去都十五十六唔知揀邊個plan,同選擇去邊度影好,我記得個同事April(好似係),俾左d相同I pad我地睇,同埋,講番唔同地方既場景同優點(唔會hard sell)。最後我地揀左台灣。
之後,試衫果陣,佢地好有心機幫我地配搭,最初我同Elsa揀左兩件唔夾既衫^.^

影相既前一天,約左攝影團隊到酒店傾下第二日既行程,原來佢地當日先落機,然後已經call車去左攝影場地視察,相當窩心。之後阿源同我地講解行程及注意事項。

攝影當日早上,丫珊為Elsa化左一個淡妝,相當滿意,然後出發第一個景點~清景。可惜天氣不似如期,當時我倆相當失望,攝影團隊發揮出專業表示繼續拍攝,事後睇番相也覺得很出奇地美。相片上見到雨水,但有一種浪漫的感覺。

因為天雨關係,攝影團隊臨時改變第二個拍攝地點。揀左"車程"車站,一去到落車就覺得個feel 好正,一個好典型舊式車站,環境十分幽美。攝影師Sam哥好快就取景同構思點樣影,依度影左最多相。多得Sam哥既專業同技術。

在此,再一次多謝Bliss為我地安排一個美好的攝影及回憶。以及攝影團隊攝影師Sam哥,聯絡人丫源,化妝丫珊。
Elsa & Terry Elsa & Terry Elsa & Terry Elsa & Terry
Albee & Silvester
見證幸福 >> Albee & Silvester
最初是想婚後才拍婚照的,那樣的話時間上的安排就不會感覺太趕,不過身邊的人都希望我們可以婚前就拍好婚照。於是和男友經過商量下還是拍好了,於是就開始上網找PRE-WEDDING的相關資料。無意中找到了BLISS WEDDING,然後看了BLISS WEDDING的FACEBOOK&網站的相關資料和介紹,還有相片也拍得不錯。然後就很快決定我們的PRE-WEDDING選BLISS WEDDING。

預約了時間再深入了解PRE-WEDDING的詳細資料,前期接待我們倆是April她很有耐心友善的講解了PRE-WEDDING的資料,還給予我們一些建議。最後我們選了去沖繩拍。後期由Annie負責接待我們,不管是講解還是到後期修改照片她都很細心耐心的幫我們給予不同的建議,還有Freda那麼細心耐心不怕麻煩給我試不同的婚紗晚裝。再次感謝April&Annie&Freda(^o^)!

拍攝當日還好大致陰天,不過在殘波岬拍攝期間剛好下起了大雨,我們都來不及躲雨,只好撐著雨傘在原地等雨停。總是很友善耐心幫我們的助理阿傑和總是把我畫得美美,知道我想要個丸子頭馬上就給我梳個丸子頭的化妝師moon都很護著我們,盡量不讓我們淋濕。讓我備受感動。謝謝他們!還有一直很有耐心指導我們拍照姿勢要怎麼擺表情要如何扛著很重的攝影機上上下下為我們取景的酷酷攝影師SAM。婚照我們都很喜歡!拍攝當日真的很謝謝你們!辛苦你們了!
Albee & Silvester Albee & Silvester Albee & Silvester Albee & Silvester
Michelle & Keith
見證幸福 >> Michelle & Keith
當我們收到相片的一刻便知道我們選擇BLISSWEDDING是沒有錯的!

BLISSWEDDING的職員ANNIE十分有耐性解答我們的問題,所有安排也很妥當。另外我們也參加了婚紗城的體驗之旅,不但能令我們更了解拍攝當日的流程及注意事項,更讓我們預先學會甚樣擺POSE和面部表情,真是一次值得參與的體驗。

到沖繩拍攝前還十分擔心天氣問題。幸好天公造美,陽光普照。亦感謝攝影師 CONER,化妝師 阿珊,助手 阿傑 十分耐心和幫忙使拍攝非常順利,拍攝期間除了攝影師外,另外兩位都拍了很多SNAPSHOT,程現不同角度的我們。

起初我們選擇了四個景點,包括萬座毛,沙灘,monterey教堂,殘波岬燈塔。在時間充裕下,工作人員提意多加了兩個景點,太陽花田和塗鴉堤壩。令我們有更多不同相片給予選擇。
總括而言,我們都十分滿意BLISSWEDDING的服務和品質,是一間性價比十分高的本地婚紗攝影公司。
Michelle & Keith Michelle & Keith Michelle & Keith Michelle & Keith
Alice & Tim
見證幸福 >> Alice & Tim
結婚一世人先得一次,好想每樣細節都做得好好睇睇,尤其係影婚紗相,求奇影不如唔好影啦!

喺網上做左唔少research,咁啱見到有對新人post 左 Bliss Wedding 幫佢地影嘅婚紗相簡單得黎夠哂自然,好啱我地style,於是我地決定去了解多啲呢間公司喇。而經過我地親自體驗過之後,我都好夠膽講當日嘅決定係絕對正確嘅!

好開心喺Bliss 遇到Freda,一個好cheerful 又好helpful 嘅女仔。每個細節佢都講解得好清楚,成個過程佢都俾左唔少意見我地!Freda 好多謝你!(其實Annie 都一樣好好人架!)

我地喺內地婚紗城同日本各影左一輯相,好感恩兩次都遇到隊100分嘅crew! 婚紗城有好多個場景,但係就得半日時間影相,我地完全感覺到阿勇係超級熟悉個場地,佢係清楚知道哂邊個位置、邊個角度可以影到最靚嘅相,同埋佢好俾嘅指示好清晰:點企、點擺pose、頭抬高啲、腰挺直啲,對於我地呢兩個新手model 黎講真係有好大幫助!雖然時間不多,中段時間仲要落雨,但係我地效率非常之高,影左好多靚相!

半個月之後去左日本影,真係好多謝Rona、阿Pat 同阿傑提議我地改去宇治影相。有靚人(阿Pat嘅功勞~),有靚櫻花景,最最最最重要係嗰度無乜人呀!如果跟住我地原先嘅計劃去啲熱門嘅地方,咁我諗我地當日影出黎嘅,根本無可能係婚紗相,而係會變左做一班遊客嘅大合照!好記得我地去到條小溪邊影相,Rona 為左效果好啲,拎住部相機就想企上溪澗上面啲石頭度,之前嗰日落過大雨,水位上升、水流又急,我地個個都俾佢嚇親,勁驚佢會跌落水!Rona 主力影相,多得阿Pat同阿傑嗰日幫忙打點,所以拍攝得非常之順利!

佢地個個勁有heart 同埋當我地係朋友一樣想幫手完成影pre-wedding 呢個大project,其實真係好impressive,我地睇左啲半製成品都好滿意,有朋友結婚都會向佢地推介Bliss Wedding~~
Alice & Tim Alice & Tim Alice & Tim Alice & Tim
Jenny & Kelvin
見證幸福 >> Jenny & Kelvin
經朋友介紹認識Bliss Wedding,之後上網睇到好多人對佢既服務評價都好好。所以決定去門市查詢,結果好快就落訂join左日本影Pre-wedding同埋Big day攝錄。因為佢地無hard sell,所有野都明碼實價,寫得清清楚楚,服務態度真係好好,所以好放心地就落左訂。佢地個plan係join海外pre-wedding送大陸婚紗城半日,真係超值。

所以去日本正式影前返大去大陸婚紗城影,等你可以練習下點擺pose點影自然d靚d。但唔好以為送嘅就無好野,佢地一d都唔馬虎,最後我地都揀左唔少相入相冊。到去日本影時,因為我地有其他事要趕時間,佢地幫我地度晒行程同預時間,編排得好好。總之成個影相過程都好放心好安心,好多謝佢地同辛苦晒佢地。
Jenny & Kelvin Jenny & Kelvin Jenny & Kelvin Jenny & Kelvin
Water & Kelvin
見證幸福 >> Water & Kelvin
在2015年12月中決定結婚後, 第一時間開始尋找影婚紗相的公司,我地看中的公司唔多, 最後是未婚夫在網上看中了BLISS WEDDING公司所展示的相片同其他新人的評分後, 我們便約時間上去了解一下。上去之前都好擔心會唔會比人呃同埋哄我地加其他野等等。

當我們去到的時候, ANNIE好NICE, 好用心, 好有耐性介紹佢地公司有的影相套餐。過一星期後,我們先再上去JOIN 佢地6月沖繩攝影套餐, 決定左後,佢地好清楚講明要比的錢, 而且佢地都沒有SELL 我地要唔要加佢地公司出的精品, 反而係我們係咁問番佢個D精品點樣先加到, 佢好樂意答我們。因為佢地公司做緊推廣, JOIN佢地海外攝影會送半日婚紗城攝影。

6月中出發去日本沖繩影相, 到出發個日天氣唔隱定, 去到沖繩都是下雨, 我地好擔心影唔到。到拍攝當天, 上午8點, 化妝師亞珊到我們房間幫我地化妝SET頭, 佢一開始都問我有咩要求想要, 亞珊化妝好細心, 佢對每部分妝容都化到好完美, 而且份人又好NICE。

去到第一個景點時, 好慶幸停雨了,我們立即下車去影相, 攝影師CONER教我地擺POSE, 說話好幽默, 令到我地拍照好輕鬆, 唔會特別緊張, 影左陣之後突然下雨, 助手亞傑立即幫我們擔遮, 但佢同攝影師CONER就濕哂身。等了差不多20-30分鐘, 場雨都未停, 佢地建議我們去其他地方影相, 攝影師CONER 帶左我地去我們沒有揀地方影相, 而且我地好鍾意。

好多謝佢地對我們這輯相的付出。
Water & Kelvin Water & Kelvin Water & Kelvin Water & Kelvin
Debby & Roy
見證幸福 >> Debby & Roy
好開心~ 終於都簡完相, D相真係好靚, 希望相簿可以趕到係我地Big Day前完成啦, 好彩今次join左你地Bliss Wedding去京都影紅葉。

雖然拍攝當日天氣唔太好, 落住毛毛細雨, 又凍…… 凍到我地同太太笑都笑唔出, 動作又生硬, 我太太仲要冇帶厚外套……. 不過全靠好好人, 好細心又好有經驗嘅化妝師啊Pat比左好多意見我地, 令到我地好快就可以投入, 令到動作冇咁生硬, 專業嘅攝影師Rona影每張相片的構圖都好靚好有心思, 當然唔少得猛男攝影師啊傑, 佢仲要主動借出佢嘅外套比我地, (記得當日在奈良只得10度左右, 佢只著件短袖…勁.) 令我地覺得最窩心~

在未join 你地之前, 行婚展都睇過幾間台灣的攝影公司, 佢地D銷售手法真係…..(唔想再提). 直至去到向你們的Freda姐姐查詢, 嘩~ 佢真係好有耐性(又靚女), 全程冇hard sell, D相底仲要比番哂我地返屋企慢慢簡~ 同埋佢地D婚紗款又多, 又新, 又靚(件韓國風婚紗我太太最鍾意).

今次嘅京都攝影旅程真係唔該哂咁多位, 黎緊Big Day我應該都會Join你地, 到時再見喇, 辛苦哂!
Debby & Roy Debby & Roy Debby & Roy Debby & Roy
Yasuda & Kelvin
見證幸福 >> Yasuda & Kelvin
confirm婚期後上網搵左好多關於pre wedding既資料,網上好多好評同推介,就上bliss了解下,經過annie好耐心咁講解同覺得性價比高之下決定join左10月韓國package。

拍攝婚紗城當日,嘩!熱到頭頂可以煎蛋,化妝師好細心,幫我換衫拎野抹汗,好warm,攝影師阿勇自己都熱到濕晒,但佢重不斷教我地擺post,點先影得靚,雖然大家都俾蚊滋仔狂咬(大家記得夏天影婚紗城要帶蚊怕水!),但佢地都pro,好好。

到主角韓國攝影喇,嘩!凍到鼻涕條條fing,一大朝早阿珊同April就黎左等我,阿珊就好有耐性同用心咁幫我化妝務求符合我想要既野,April真係好搞笑,帶動成個攝影行程既氣氛,而阿傑同rona好pro,又爬樹又瞓地就係為左幫我地影個靚角度,阿傑爬樹真係好勁,佢地都好照顧新人,一影完相就會衝過黎幫我著外套,好窩心!因為我既特別要求,佢地over time左幾個鐘,我地都攰啦,更何況佢地,但佢地重好pro,唔會俾人感覺趕收工而得過且過,影到最後,rona每一張都話最後一張,April話:「其實係尼個景既最後一張。」哈哈,佢地真係好好。

影完後諗住請佢地食餐好既,點之佢地話要準備第聽日對新人既野同upload返我地d相驚唔夠時間,所以返去食杯麵算。此番話一出令小妹萬分佩服,為左幫我地影靚相,佢地唔理天氣,唔理時間,又細心,又專業,除左車費門票,真係無額外收費,又唔hard sell,highly recommended!!!
Yasuda & Kelvin Yasuda & Kelvin Yasuda & Kelvin Yasuda & Kelvin
Fanny & Edmund
見證幸福 >> Fanny & Edmund
選擇婚紗相公司時,有很多不同類型的選擇,碰巧遇到BLISS 剛推出的沖繩婚紗攝影。

報名沖繩的婚紗攝影套餐,還送上內地婚紗城的體驗之旅,這個價錢實在太超值了。而且我們都沒有拍照婚紗照的經驗,內地婚紗城的體驗之旅,可令我們適應拍照婚紗照的過程。值得一提的是,化妝師阿蘭化的妝很好,我們經過婚紗城的體驗之旅後,到沖繩的婚紗照時,表現自然會更佳啦。

這是BLISS第一次推出沖繩的婚紗攝影服務,但ANNIE 做了很多資料搜集,很用心和我們講解當中的細節。

我們選了沖繩的教堂作為我們婚照的其中一個景點,雖然這個景點要額外收費,但她真的很美,教堂座落在金黃色的沙灘上,陽光從教堂的落地玻璃透過,婚紗飄浮在半空中,美得像一幅畫一樣。

而這美麗的畫面,已給我們的攝影團隊拍下,好讓我們可以重溫醉人的一刻。攝影師非常專業,他的攝影技巧很好。助手做事很認真,他還用手機幫我們拍攝數張,好讓我們可以立即觀賞。化妝師Ruby做事細心,經常出動芭蕉扇幫我們吹風。

整個沖繩婚紗攝影之旅,我們真的是非常滿意。
Fanny & Edmund Fanny & Edmund Fanny & Edmund Fanny & Edmund
Bliss Wedding 以專業婚紗攝影態度,時尚婚紗攝影風格,吸引婚紗攝影價錢,讓你享受不一樣的婚紗攝影服務。